விழுப்புரம்:
பாராளுமன்றத் தேர்தலில் பதிவான வாக்குகள் நேற்று எண்ணப்பட்டன. தமிழகம் மற்றும் புதுவையில் தேர்தல் நடைபெற்ற 39 பாராளுமன்றத் தொகுதிகளில் திமுக கூட்டணி 38 தொகுதிகளில் வெற்றி பெற்றுள்ளது.
விழுப்புரம் தொகுதியில் 14,43,436 மொத்த வாக்காளர்கள் ஆவர். இதில் 11,28,998 வாக்குகள் பதிவானது.
தி.மு.க. கூட்டணியில் இடம்பெற்றுள்ள விடுதலை சிறுத்தைகள் கட்சி விழுப்புரம் தொகுதியில் போட்டியிட்டது. விடுதலை சிறுத்தைகள் கட்சி சார்பில் ரவிக்குமார் போட்டியிட்டார். அவர் 5,59,585 வாக்குகள் பெற்று வெற்றி பெற்றுள்ளார்.
அ.தி.மு.க. கூட்டணியில் இடம்பெற்றுள்ள பா.ம.க. இத்தொகுதியில் போட்டியிட்டது. பா.ம.க. வேட்பாளர் வடிவேல் ராவணன் 4,31,517 வாக்குகள் பெற்று இரண்டாம் இடத்தில் உள்ளார்.
அமமுக வேட்பாளர் கணபதி 58 ஆயிரத்து 019 வாக்குகளும், நாம் தமிழர் கட்சி வேட்பாளர் பிரகலதா 24 ஆயிரத்து 609 வாக்குகளும், மக்கள் நீதி மய்யம் வேட்பாளர் அன்பின் பொய்யாமொழி 17 ஆயிரத்து 891 வாக்குகளும் பெற்றுள்ளனர்.
